Algo pasa di 12or y 15 merdia patruyanan di Noord hunto cu trafico a dirigi nan mes na e crusada di Alhambra. Eynan tabata tin un accidente cu herido.
Na nan yegada a bin topa cu un Honda CRV shinishi y un Yaris shinishi. Polis di trafico a bay chek kiko exactamente a sosode. E dama di e Yaris a conta polis cu e ta bayendo direction nort riba su caminda di preferencia y na dado momento e manehador di e Honda CRV a subi caminda sin paga tino cu consecuencia cu e Honda a dal den banda di e Yaris.
E dama di e Yaris y e pasahero a keda levemente herida. Ambulance tambe a presenta pa asina paramediconan a duna asistencia medico. Daño material ta basta grandi. Takelwagen a presenta pa asina kita e Honda CRV for di caminda door cu e no por move riba su mesun forsa.
