Accidente cu herido leve na Sta. Cruz

Diadomgo atardi algo prome cu 6or a sosode un accidente panort di Shahai Take Away. Aki ta caminda cu un Eco Sport color blauw a sali dilanti di un un Toyota Yaris color preto. E Yaris tabata biniendo for di direccion di Jan Flemming cu intencion pa bay Sta. Cruz.

Ey ta caminda cu e Eco Sport a sali su dilanti y accidenta. E chauffeur di e Ford ta persona di edad halto, e no por a sali for di e vehiculo mirando cu e auto a haya sla na e porta banda di chauffeur.

Accidente cu herido leve na Sta. Cruz

Accidente cu herido leve na Sta. Cruz. Click e link pa mas https://24ora.tv/31eiXmi

Posted by 24ora on Sunday, October 13, 2019

Bon cooperacion di polis y ambulance a logra saca e meneer di edad aki y cu despues a transporte pa Hospital mirando cu e tabata keha di dolor na nek y brasa. E dama chauffeur di e Yaris tambe tabatin mester di atencion medico. Daño material ta considerabel.