Den careda di 4:15 pm a pidi presencia di polis na altura di Wendy’s Cura Cabai. Aki a sosode un accidente y por poco esaki a bay for di man.
Na momento cu polis a yega na sitio, a bay over na papia cu e partidonan envolvi. E pickup Ford color oro a bin di abou. Net e momento ey e Kia color shinishi a sali dilanti e pickup, y e chauffeur no por a evita pa dal den dje.
E motibo di presencia policial tabata pa motibo cu un discusion mahos a cuminsa eynan. A splica polis cu durante e discusion, un señora di edad tabata a dal hende cu su garoti. Despues di a papia cu e partidonan, tur cos a calma.
