Apenas algun ora cu a yama bon bini na aña 2021, alrededor di 2:30AM a sosode un caso di hit and run na Primavera 72. Un auto marca Honda color blanco numera A-23452 a dal den e cura di cas y bandona sitio. Pa su mala suerte, na e cas ey ta biba un polis.
Na prome instante cos tabata poco bruha, mirando cu algun minuut despues a bati alarma pa un pelea formal dilanti Primavera 81. Despues di un rato polis a constata cu ta e mesun homber cu a hit and run a resulta victima den e pelea. Parce un grupo di homber a baha riba dje y golpie formal, el a perde casi tur su djentenan.
Ambulance a presenta na sitio pa dun’e atencion medico, pero na final a transporte pa hospital p’e ricibi atencion medico avansa. E auto tabatin basta sla n’e parti dilanti, departamento di trafico di polis lo sigui cu e parti di investigacion.
