Den oranan di atardi e presencia di Polis a wordo pidi na Noord. A drenta informacion cu net patras di e hardware chines banda di Botica di Servcio na Noord tin un cacho mara na un forma robez. Esnan cu a mire tabata considera esey mas bien maltrato contra bestia. Na yegada di Polis a atende cu e chines. Polis a mira berdad cu e cacho ta mara na un cadena di un meter. E cacho no por move masha. E cacho no ta maltrata si. Mas bien e cadena ta cortico y ta un cacho mara pa asina controla e entrada di e deposito unda ta busca carga. Parce cu mas biaha ciudadanonan mes a adverti e chines riba e problema aki pero e no a duna oido te cu Polis mester a wordo yama. Despues di atende cune pa basta rato a yega na un otro forma pa atende cu e cacho.
