Pa hopi aña Stichting Monumentenfonds Aruba tabatin e deseo di restaura e forno di calki situa den Rancho. Aunke e ta un obheto cu no por verhuur y no por haya un entrada, por ehempel ni haya un hipoteca p’e edificio aki. Aña pasa a topa un compania di Trinidad cu sa e ofishi di traha cu calki. Segun Anne Witsenburg, Presidente di Stichting Monumentenfonds Aruba, nan a bin cu e idea di un curso pa hendenan siña e ofishi ey y na mes momento traha riba e forno di calki.
Den un tempo record e fundacion a haya diferente patrosinado y a conta cu aporte di comunidad. Entretanto a keda cla cu restauracion di e forno di calki. E no ta den su estado original, pasobra durante añanan a “patch” e forno, a reconstrui un parti y a haci extra construccion riba dje.
Segun Witsenburg, pa evita incidentenan cu a sosode den pasado, a pone 2 heki na e entrada. Tambe a traspasa e operacion diario pa Stichting Rancho y pa asina nan por conta e storia di forno di calki. E fundacion ta spera cu e parti aki di e historia industrial keda perservera p’e futuro generacion.
