Diadomingo mainta, pa mas of menos 10:30, polis ta bay den Oranjestraat, banda pabao di Prikichi Supermarket, pa un caso di kiebro.
A bin resulta cu un turista Mericano e anochi anterior a laga su auto di huur, un Kia Rio numera V-89 di e compania Avis staciona na banda di dicho supermercado na Playa. E turista a conta cu e lo a trip y bebe y no tabata apto pa stuur y a laga e auto para cu intencion pa e siguiente dia bin busc’e.
Su siguiente dia, el a bin topa cu e sorpresa cu un of mas antisocial a kibra e glas parti patras y a bay cu un tas, cu ironicamente tabata completamente bashi.
Polis a tuma tur dato y averigua si camara den vecindario por a capta algo.
E turista aki tabata hopi desapunta y a comenta cu e ta responsabel y haci lo corecto di no stuur bou influencia. Sinembargo awo e tin gasto adicional.
