Diasabra trempan Polis a bay na Ponton. Habitantenan di Katunastraat a yama polis pa ladronicia. Nan a lanta mainta trempan prome cu solo sali y scucha un sonido straño. Ora a mira dor di bentana a mira un homber hortando e tubonan di koper.
A grita cu lo yama Polis y e homber a sali core cu basta tubo di koper y cranchi. A splica Polis tur cos. Djey a warda negoshinan habri pa bay cumpra tur tuberia bek. E cas a keda sin awa pa varios ora. Yiu a trece awa pa asina nan mama por a laba cara y spula boca. A instala cranchi nobo y tuberia nobo pa e cas pero no koper mas.
Awendia koper a bira manera oro. Chollernan ta horta basta koper den e area di Ponton y bay bende esaki. Den Companashi mes tin hende ta cumpra koper. E gasto pa instala tubo nobo ta costa basta. Pero e yiu y casa a zorg pa regla tur cos pa asina man mayornan no keda sin awa henter dia.
