Diadomingo cu a pasa un doño di un barbershop na San Nicolas, esta Hollywood Barbershop, a conta cu mas o menos dos luna pasa el a experiencia agresion y robo na man di cuater hende homber. E lo a pidi pa nan bin pone un luz p’e den su luga, pero un cu e otro a conduci na un discusion fuerte entre e doño di e barbershop y un hende homber.
Den esaki, e homber a baha for di auto y a dal e barbero cu un martiu den su cabes. Diripiente tres otro hende homber tambe a baha. Nan a kibra e porta y algun spiel den e barberia. Tambe a bay cu tur placa di e caha. E doño, Ramon Paniagua, a purba sconde pero no a logra y asina nan logra agredie.
E doño a bisa cu e conoce tur cuater hende homber, di origen Venezolano, pero cu e no ta compronde kico a conduci na e problema aki. E ta pidi husticia pa atende cu e caso ya cu ta bay haci dos luna caba y ningun hende a haci nada.
Pa cobertura mas amplio, lesa e edicion di TREMPAN mañan.
