Durante e Campeonato Centro Americano y del Caribe 20 (CCCAN) na Christchurch Barbados, e Confederación CCCAN a eligi su dirigentenan pa e proximo 4 añanan, esta 2020-2023. Den e eleccion, representante di Arubaanse Zwembond (AZB), esta Maureen Croes, a keda eligi como e Presidente di Union Americana de Natación (UANA).
UANA, e organo mas halto di e continente Americano pa e deportenan acuatico, ta forma parti di FINA. FINA ta representa tur deporte acuatico den Comite Olimpico Internacional. Cuater region ta forma UANA: Merca, Canada, CONSANAT, cu ta e paisnan Suramericano y CCCAN, cu ta representa e paisnan di Caribe, Central America y Mexico.
Maureen Croes lo cuminsa su trabou 12 di Augustus pa e proximo 4 añanan te cu e Weganan Panamericano di 2023.
Maureen Croes, consehero tecnico di Arubaanse Zwembond, ta mama di e landadonan Ashley, Derek, Jordy y Patrick. Maureen mes tabata un landado, coach y oficial di landamento. E tawata parti di e organisacion di e competencianan internacional na Aruba manera CISC, CARIFTA y CCCAN.
