Diabierna anochi net algo prome cu 10or varios unidad di Polis a bay pura den direccion di Hospitaal Wijk. Tabata tin algun miembro di un famia basta histerico cu ausencia di un ser keri. Nan a splica cu nan ser keri di 18 aña a ser hiba contra su boluntad pa dos homber fuertemente arma. Nan lo a yega den Jeep cora y sin cara tapa a drenta cas. A drenta y puntra “Unda E Cos Ta”. Djey a papia cu secuestra e hoben di 18 aña bay cune.
Ta trata di e homber fam D. E ruman of un otro familiar a splica cu despues el a yega cas bek. A conta ki tur a sosode y cu nan ta buscando algo. A bisa hasta cu e bishita dos adres mas den mesun forma. A bay na un otro adres na Playa y tambe uno na Kudawecha.
Despues cu e supuesto victima a conta esaki el a pasa man pa su tas y a bandona e cas cu e dos personanan cu a trece. Tur e informacionnan aki Polis a haya na e adres na Hospitaal Wijk. Diferente team special di Polis a ser activa. Nan a bin na e adres pa asina haya mas informacion Posibel pa asina inicia un buskeda.
Ora cu Polis tabata casi dos ora investigando a yega warda di Playa un persona. El a splica Polis cu e ta mira informacion bayendo rond cu ta totalmente robes y un exageracion total rond di su persona. Despues cu a cuminsa saca informacion na warda, mesora a realisa cu e storia na cas no ta klop cu declaracion di e supuesto victima di secuestro ta contando na warda.
El a splica cu no tin secuestro y ta full otro cos a sosode. Polisnan na warda a notifica e coleganan na e adres na Hospitaal Wijk. Eynan a cancela tur cos despues di casi dos ora di investigacion. Tog ta bon cu el a caba asina. Esey no ta kita cu autoridad tabata den un alerta total rond di e prome informenan cu a drenta relaciona cu e caso unda den un Jeep Cora dos homber arma a secuestra hende. Un final feliz cu a laga e sernan keri tog basta trankil.
