Diamars marduga pa mas o menos 1:45am a manda Polis urgente na altura di Mangel Halto pa ilegalnan cu a subi tera. Testigonan a mira personanan sospechoso canando tras di Nam Yong Bar & Restaurant. Berdad a topa cu dos homber y un hende muhe. Dos di na no por a mustra ningun permiso di estadia riba nos isla.
Bisiñanan a conta cu ta tur anochi ta mesun cos, ta mira autonan para den vecindario ta manda señal cu luz, dor di cende y paga e luz di auto. Awe atrobe a nota movecion sospechoso, locual a conduci cu nan a yama Polis mesora.
Na e sitio berdad a topa cu e trio, cu ta papia Spaño. Parce cu un hende muhe a logra huy, pues nan tabata 4 hende ey. Ora a pidi nan pa nan permiso di estadia of trabou, nan no tabatin cu nan e momento ey. Polis a detene ambos bou sospechoso cu nan ta ilegal. Mester bisa si cu no a haya nan cu paña muha, pues probablemente e informacion cu un boto a yega cu ilegalnan no ta cuadra tampoco.
Na e sitio Polis a topa un homber, tambe di habla Spaño sinta den un auto eytras. Ta sospecha cu e lo ta esun cu ta busca e ilegalnan ora nan yega nos isla. Polis a interog’e pisa pero no por a prueba cu e ta haciendo nada malo. Kisas e tabata para mal caminda na mal momento. A lag’e bay sin problema.
Polis a sigui busca den vecindario pa mas stranhero canando rond pero no a topa ningun. E señora ta insisti cu e ta legal na Aruba y cu e ta casa cu un Arubiano.
