Despues di un investigacion di mas o menos dos aña dirigi riba traficacion di hende, awe polis a informa cu nan a detene dos sospechoso, esta Reginaldo “Juny” Danje y Doris Jimenez. E ultimo aki den pasado tabata meti den un investigacion disciplinario y penal na DIP.
Prome cu esey, Jimenez a traha hopi aña na Veiligheids Dienst Aruba (VDA). Ultimo tempo ta traha na un medio di comunicacion y compania di airco. Con nan dos ta hinca den traficacion di hende, no ta conoci. Mirando e acusacion, ta parce cu mas bien ta trece hende di Colombia pa traha pa nan, sin paga locual ley ta prescribi.
E investigacion ta continua y no por descarta cu mas detencion lo por tuma luga. E recherchenan di Unit Mensenhandel-Mensensmokkel ta consisti di recherche di Cuerpo Policial Aruba y Koninklijke Marechaussee.
