Diabierna corte a trata e caso penal contra un homber acusa di a abusa di un mucha muhe menor di edad. Tabata trata di un mucha muhe di 11 aña di edad mientras cu e homber Alexander Estrada mes tabatin 47 aña. E echo aki ta algo cu a tuma luga den seno familiar y tabata e menor mes na final no a wanta e presion di pasa den e trauma aki, pa cual el a conta su tanta loke cu a pasa. Mesora a yama polis y investigacion a cuminsa.
E echo aki a tuma luga, segun e acusacion, den e periodo di januari pa augustus 2022 na e caso unda cu e menor tabata biba cu su tanta y e pareha di e tanta. Estrada a admiti cu algo a pasa pero ta nenga cu tabatin penetracion, solamente caricia y sexo oral riba cual fiscal a bisa cu aunke ta su lenga el a uza, esaki tambe ta penetracion pa ley.
Fiscal a exigi 6 aña y esaki el a haya tambe for di hues. Pa un relato mas amplio, lesa e siguiente edicion di TREMPAN.
