Tabata un anochi historico, cu presencia di PCC Lion Luis Olarte di Districto 35a viaha bin specialmente pa Aruba pa e ocasion hopi special aki, cu ta pa presencia e certificacion di miembronan di Aruba Lions Club como mididornan official di suco den sanger.
Despues cu PCC Luis Olarte a duna un splicacion cortico di e meta di e accion unico aki, a sigui un presentacion en extenso di doctor Vis, kende ta tambe president di Fundacion Diabetis Aruba ya pa varios aña caba. E a splica cu masha detayes mes di e riesgonan cu tin ora un persona ser diagnostica cu diabetis. 
Mas importante aun ta e splicaion cu ela duna cu bo tin di cambia bo habitonan di come y hasi movecion y purba pa preveni e malesa aki. Na 2015 e cifra di patientnan na mundo cu ta sufri di e malesa aki ta 440 miyon y si cosnan keda mescos pa fin di 2040 lo tin 642 miyon di persona cu ta sufri di diabetis. Despues di e presentacion e miembrona mester a hasi un test y na unda tur a pasa y a ricibi nan certificado for di man di dokter Vis. 
Mes ora su tras, bao guia professional di e dokter, nan por a practica entre nan mes y a midi nan suco den sanger. Aruba Lions Club a sera un acuerdo pa bay traha hunto cu e Fundacion Diabetico Aruba y organisa diferente dianan pa screen publico en general. Nos ta hasi uso di oportunidad aki pa gradici PCC Luis Olarte, representante di districto 35N y dokter Vis pa nan balioso coperacion pa a hasi e occasion aki un exito.
