Den DIP tin un wega cu a tuma luga cu Kavel di Carnaval. Ya pa algun dia pasa a tende di favoritismo pa kavelnan di carnaval. Hendenan of empresanan cu no a participa pa Kavel a haya Kavel di nan gusto na areanan crucial riba e ruta di carnaval.
Aki ta net cierto kavelnan cu a ser duna na un grupo of empresa conoci na Aruba. E forma cu el a bay no tabata corecto. E sistema corumpi cu e empleado di DIP a atende e asunto aki a causa cu e director di DIP a actua tambe y trek in ambos kavel. No a tende si e actuacion di e empleado tabata tin consecuencia pe.
E empleado aki ta un pensionado cu a ser movi di un departamento bou otro ministerio pa DIP. E minister encarga cu DIP Otmar Oduber e tempo ey a pone e campañador aki bou DIP ora cu Minister Rudy Lampe a descubri fraude na e departamento cu e tabata maneha. Awor na DIP parce cu e mala maña no a stop y a bay haci cosnan fraudulento cu e proceso di kavel di carnaval. E cosnan cu a pasa a yega na oido di e minister nobo tambe Marisol Tromp cu a tuma paso y e director a trek in ambos kavel cu a ser duna den un forma cuestionable. E dos kavelnan aki mester a bay un proceso normal den tombola mescos cu e otronan. Concientemente a favorece e empresa y pone disponible cierto kavel pa nan. Naturalmente ta wordo menciona cu e favor aki no a bay gratis y tabata tin su costo cu a ser regla cu e trahador pensiona na DIP.
Logicamente esaki ta algo cu bo no por prueba pasobra nan sa con pa haci nan cosnan bou man pa asina evita cualkier persecusion. Un empleado cu strategicamente ta favorece un empresa cu dos kavel cu mester bay pa pueblo y contra pago, ta corumpi cu nos sistema. Esnan cu sa ta contento cu e director a actua y tambe minister nobo no ta para pa tipo di cosnan asina. Si tabata un otro empleado kizas cu tinte no di coalicion, e lo a wordo manda cas mesora pa investigacion. Awor bo ta haya un empleado pensiona cu contrato ta comete actonan asina y como cu e ta campañador di e minister saliente, ta keda traha. Ademas di e pensionado tin un otro empleado mas riba contrato y cu tabata riba lista di POR cu ta wordo cuestiona cu su actuacion den DIP. Spera cu minister nobo no bay kima su dedenan cu e hendenan aki. Ta hendenan cu e ex minister a pone pa asina e por haci un deshaci mescos cu el a haci na Serlimar. Awe tur hende por mira unda Serlimar ta.
