Tabata alrededor di 9:00 pm ora cu Polis a bay na un adress na Papaya, aki tabatin un homber bou influencia cu tabata haci fastioso. Mientras cu tabata warda pa e transporte policial, e persona aki a haya chens di haci algun yamada.
Ora cu a boei e persona aki y a cuminsa cana cu ne pa bay den e transporte policial, su cacho Linda tambe kier a bay. El a sinta band’i dje y te hasta a sinta bou di e transporte policial mientras tabata termina cu e proceso di detencion.
E detenido a pidi polis fabor pa cera su porta di cas, pues Linda, a compaña e agentenan te na e porta p’asina garantisa cu e porta a keda bon cera.