Polis a bay awe tardi pa 5:20pm den Boliviastraat pa un bisiña cu a keha e otro debi na posibel maltrato di cacho. Autoridad a presenta na sitio pa tuma nota di kico ta e problema.
A resulta cu no tabatin ningun maltrato di cacho sino cu e cachonan mes a cuminsa bringa cu otro y e doño a bati cu un pida palo riba vloer pa spanta nan y pa nan stop di bringa.
Polis a scucha ambos bisiña y a constata masha lihe cu mas bien tabatin un mal comprendemento. Tambe a mira e cachonan y ningun tabatin indicacion di maltrato fisico.
Cu esey e asistencia a termina y polisnan a sigui nan patruya, sperando cu e relacion entre e bisiñanan lo sigui bon, sin cu ta bin problema pa via di e cachonan den cura.