Te ainda Aruba Wine and Dine ta wardando cuanto turista ta bin Aruba. Nan ta bezig cu e cenanan di Pasco si. Segun Fabian Latinga, director di operations na Aruba Wine and Dine, ta mira cu e turistanan ta sinta pafo, pero naturalmente cu distanciamento social di 1 meter y mey. A cera e restaurant Dragon Fly, pa asina crea mas espacio pa Salt ‘N Pepper y mescos a haci cu Tango, a cera Fishes ‘N More, pa asina tin mas espacio pafo pa Tango Argentian Grill. No sa ainda kico lo bay pasa pa e temporada di Pasco, segun Latinga.
Acomodacion
Latinga ta sigui splica cu pa loke ta bookings pa companianan pa dinnernan di Pasco, no ta posibel ainda. Nan tin cu bay wak kico nan por haci. Nan tin cu prepara esaki bon pasobra ta 4 persona adulto so por sinta na mesa. Un Christmas Dinner cu por ehempel 40 hende, no ta posibel.
Flexibilidad
Awor aki, segun Latinga, nan ta mantene nan mes estrictamente na e reglanan. Gobierno awo lo bay wak tur siman y tur luna, unda cu nan por ta mas flexibel pa nan clientenan. Ta di spera cu pa december e flexibilidad por ta mas hopi pa asina nan por acomoda mas cliente.