Auto a bolter riba caminda di Malmok

Dialuna banda di 9’or y 15 minuut di anochi, Polis a haya informe cu riba e caminda di L.G. Smith Boulevard den area di Malmok un auto a bolter. Mesora diferente unidad di Polis a bai pa e sitio y riba e caminda di L.G. Smith BLVD un tiki prome cu e birada pa bay Malmokweg, a topa cu un Toyota Prado blanco benta riba su banda.

A resulta cu dos amigo a caba di busca coy come y coriendo direccion zuid, e chauffeur a medio touch cu e stupi na banda. Aki ta unda e a perde control riba su vehiculo, y aunke a trata di evita, ya tabata laat y a medio bolter y cay riba su banda. Ningun di dos ocupante a resulta herida. Polis a tuma datos pa asina hinke den nan rapport.