Diabierna atardi comerciante ta hay’e confonta cu ladronicia den su establecimento. Tres persona envolvi, dos persona ta drenta luga y ta horta articulo y sali na careda mientras un otro a keda den auto ta warda. Esaki a sosode na Wu’s Excellent Hardware & Homecenter den Caya Ernesto Petronia.
Ta trata di un caso di ladronicia den dia cla. E ladronnan cu a drenta a pasa man pa gas range y sali for di e luga na coremento. A tuma nota di un auto color blanco cu tabata warda riba nan. Testigonan na sitio a tuma number di e vehiculo pa asina entrega esaki na polis.
Comerciante / Propietario a sali nan tras pero por poco nan a pasa auto riba dje na momento di huy for di sitio.
Numberplaat di e vehiculo ta A-18478 cual ta den man di polis pa asina continua cu un invstigacion. Na sitio a haya material inmediato pa asina suministra e comunidad di e cara di e ladronnan aki y si acaso por tin informacion valioso di nan paradero.
Cualkier informacion ta importante pa asina pone man riba e malechornan aki. Si acaso abo ta reconoce un di e sospechosonan aki, tuma contacto cu Polis mes ora.