Fiscal mes lo atende castigo pa sospechoso Ralph Maduro

4918

Awe merdia Fiscal di Ministerio Publico a ordena libertad condicional di e comerciante, stroman di Otmar Oduber, esta e conoci di husticia Ralph Maduro. E tabata cera pa e ultimo dos dianan, debi na su rol dilanti cas di su amigo y socio dia 13 di mei ultimo na Pavia.

Fiscal R. Wilderman awe a informa cu Hector Ralph Maduro lo mester aparece dilanti di dje dia 9 di juni proximo pa 8:30am na oficina di Ministerio Publico situa na Rumbastraat 29. Ey e lo mester duna cuenta na e acusacionnan contra dje, cu ta:

  • Openlijkgeweldpleging (Pelea den grupo riba caya)
  • Mishandeling (Maltrato)
  • Vernieling (Destruccion)

Riba e fecha aki Fiscal lo scucha e victima, den e caso aki Nelson “Speed” Andrade pa tende di e daño material cu el a sufri, por ehempel e celular cu Maduro a kibra pa malo. Tambe lo atende cu dañonan imaterial, cu e lo mester responde pe den forma di un castigo di multa of haci trabou pa comunidad.

E hecho cu lo tuma luga un “Officierzitting” ta debi cu Ralph Maduro a acepta esaki, pa evita cu e lo mester aparece dilanti Hues pa duna cuenta di su actonan. No ta prome biaha cu Maduro ta hay’e den problema penal. E ultimo biaha tabata pa violencia domestico cu su pareha den un apartamento na Noord. E ta e “front” pa Otmar Oduber den e radio emisora Power FM.