Diaranson, dia 10 di October ultimo, a tuma luga na Cas Ceremonia di Gobernador, un ceremonia di naturalisacion.
Akinan 81 persona, despues cu nan a huramenta of a haci promesa dilanti di Gobernador di Aruba, Alfonso Boekhoudt, nan a ricibi nan ciudadania Hulandes.
Esaki ta e di tres naturalisacion di e aña aki, cu un grupo hopi diversio varia den edadnan di 18 pa 73 aña, procedente di 10 pais.
E ceremonia a wordo musicalmente compaña pa e guitarista Jersey Sophia.
Un caracteristica special di e ceremonia aki tabata presencia di un interprete di lenguahe di seña cu a converti e texto papia den e lenguahe di signo pa un ciudadano cu limitacion auditivo. E interprete di lenguahe di seña a bin di Fundacion Pa Esnan cu Deficiencia Auditivo Aruba (FEDAA_. E fundacion aki tin como meta pa brinda e miho guia posibel na cada baby, mucha, adolescende y adulto cu problemanan auditivo, pa asina e por funciona optimal den e comunidad Arubano.
