Club Kibrahacha 60+ tabata tin e oportunidad pa siña diferente tema importante cu tin di haber cu servicionan bancario y solucionnan cu innovacion ta ofrece awendia pa tur cliente di banco.
Awendia ta esencial pa tur cliente, independientemente di nan edad, tin acceso na solucionnan bancario segun nan necesidadnan, na unda y na e momento cu nan ta desea. Automaticamente esaki ta inclui un gran mayoria di nos populacion di personanan mayor di sesenta (60) aña.
Tambe a duna charla cu a enfoca riba kico tur ta encera online banking, y con e grupo di Club Kibrahacha 60+ por haci uzo di dje na e branchnan rond di Aruba caminda tin asistencia special pa esaki den e ‘Digital Lounges’ di banco. A splica tur esnan presente tambe ariba posibilidad di ricibi placa cash pa nan disfruta di nan pensioen atravez di e ‘Reverse Mortgage’ di Aruba Bank. E sesion informativo tawata uno hopi interactivo entre expertonan y e publico. Esaki ta locual Aruba Bank ta enfoca riba dje pa asina trece informacion via e canal di preferencia di e consumidor pa provee e solucion adecuado pa su necesidad.
