Algo pasa di 4’or y 50 di atardi, riba e caminda Kibaima-Tanki Flip, dilanti di Heng Sheng Supermarket, a sosode un accidente, unda cu un Chevrolet Aveo, color cora, numera A-66631, tabata para cu señal pa lora bay direccion di e supermercado, a ricibi un impacto parti patras, na momento cu un Toyota Yaris, color blauw, numera A-57400, maneha pa un miembro di prensa, biniendo tur cu tin for di pabao, cu no a paga tino, cu e auto su dilanti a para pa lora.
E Yaris a dal basta bon tras di e Aveo. E impacto tabata asina fuerte, cu e as di e wiel patras di e Aveo, a hala for di su luga. Afortunadamente ningun hende a resulta herida. E daño material tabata basta grandi. Takelwagen a wordo pidi pa kita e Aveo for di caminda, mirando cu e auto no por a move riba su mesun forsa.
