E pareha recien casa, Matthew y Brianna Goggins for di Chicago, Illinois, ta pasando nan prome dia na Aruba. Canando riba e strip, nan a dicidi di stop na Tango Argentine Grill pa purba nan special for 2 di tur dia.
Mientras cu nan Happy vibes ta cende den Arawak Garden, e honeymoonernan di 26 aña, kendenan ta traha den finansas y hospitalidad, ta mira bek na un tremendo dia. Brianna y Matthew ta loco cu tango tambe, bisando: “Cuminda fantastico cu un tremendo staff, musica en bibo y un gran atmosfera. Esaki ta un must-see. Nos waitress, Felicia, tabata un strea.” Nos ta spera cu sr. y sra. Goggins tin un maraviyoso bida hunto y ta spera cu nan prome biaha na aruba, lo mira hopi regreso ora cu nan celebra nan aniversarionan incontabel. Na Arawak Garden, dilanti di Barcelo Resort, tin varios fabuloso restaurant, banda di Tango. Tin kiosco y musica en bibo tur anoch di siman. Na e skina tin the Sopranos Piano Bar pa un nightcap of dos, tres, cuater y hopi dibercion. Masha pabien, Matthew y Brianna y disfruta di boso honeymoon.
