Sail for the Roses ta djadumingu awor

SONY DSC

Nèt un siman promé ku e grandioso Ride, Swim & Walk for the Roses riba djadumingu 21 di yanüari, ya djadumingu binidero dia 14 di yanüari ta tene e Sail for the Roses pa boto di bela. E dia ei kontra pago esnan interesá por nabegá riba un di nan.

SONY DSC

Curaçao Yacht  Association (CYA) ta tuma riba dje organisashon di e ramo aki di e aktividatnan di fundashon Ride for the Roses Curaçao (RFTRC). E botonan di bela ta kompetí den dos kategoria: cruise i racing, esta yatenan ku por subi laman ganchu. Por inskribí promé òf mas tardá djabièrnè 12 di yanüari entre 6 or i 7 or di atardi na e marina di Asiento na Brakapoti. Miembronan di tripulashon ta paga 50 florin pa persona i pa esei nan ta haña un flanèl spesial i un bòn di kuminda pa e captain’s diner djadumingu anochi. Djadumingu 14 di yanüari e botonan di kategoria overall i cruise ta start 11 or di mainta for di e sentro di patfender marítimo Mgr. Verriet, siguí mei ora despues pa e botonan den e kategoria di racing. E ruta ta bai Mari Pòmpun, bèk pa e anterior playa di gerensia na Caracasbaai, un biaha mas pa Mari Pòmpun, pa djei finalisá atrobe na altura di e sentro di e patfendernan katóliko. E ruta total ta kubri un distansia di alrededor di 20 mia nóutiko.

SONY DSC

Asina por mira ebotonan pasa mas be. E dia ei e reglanan di kustumber ta konta i por presumí ku e nabegantenan partisipando ta bon na altura di nan. Ademas, ta bon pa sa ku na altura di e bui, ku lo pone na Mari Pòmpun, públiko na kantu por mira e botonan di bela pasa dos be, pero esei ta konta naturalmente tambe pa esnan ku e djadumingu ei ta bai baña na e playanan di Caracasbaai, Jan Thiel i Mambo Beach/BLVD te na Mari Pòmpun. E dia ei tur e botonan di bela ta mara un bandera di Ride for the Roses na bordo, loke ta duna e totalidat un imágen muchu mas kolorido ainda. Subi bordo
Interesante ta ku e botonan ta duna oportunidat na esnan interesá pa kompañá nan na bordo durante e kompetensia aki i asina eksperensiá un bunita djadumingu riba boto di bela. Pa esaki ta rekerí minimalmente un kompensashon di 150 florin pa persona. E fondonan aki ta bai kompletamente pa e meta final di e idea di di ‘For the Roses’: kombatí kanser na Kòrsou. Pa por subi bordo di un di e botonan por tuma kontakto ku sekretario di CYA Rob Kouijzer (tel. 516 2468 i [email protected]) òf RTFRC su miembro di direktiva Benno van Leeuwen (tel. 522 3078 i [email protected]). Despues di e final dje kompetensia e mesun  djadumingu atardi alrededor di mitar di 6 tin e entrega di premio i e ‘after-sail’ na e marina di Asiento na Brakapoti. Despues di esaki e partisipantenan lo bai pa e captain’s diner ku ta prepará pa nan.