Den oranan di diasabra marduga, patruya di Flex Team a bay haci control den Rancho. Aki nan a bin topa cu un hoben cu tabata mustra basta jong, cual den e oranan ey, absolutamente no ta pertenece riba caya. A bay listra e hoben aki y nan a bin haya un paki di droga riba dje. E hoben aki a cuminsa bira fresco dado momento cu Flex Team. Mirando esaki, a dicidi di detene mesora y a pidi un dogcatcher pa asina transporta e hoben pa warda di Playa, unda cu e mester bay duna cuenta. E Tabata coba mama di hende sin Misericordia. E Tabata tin cuater paki di droga cocaine riba dje. E ta duna indicacion cu e lo Tabata bende e droga aki den e zona peligroso di Rancho. E no ta bay scol mas. E mayornan mes ta di Haiti y e ta naci na Aruba. Awor ya caba cu 15 aña e ta wordo gara riba caya ta bende droga y sin ningun clase di respet pa esnan cu a atende cune.
