Diahuebs mainta trahadornan di DA y Pearle Vision situa den Horizonte Building a yama Polis. Durante trabounan pa habri negoshi a bin ripara cu algun malhechor a purba drenta e lugar. A haya glas parti patras di e edificio kibra. No ta prome biaha cu ladron ta purba drenta of a yega di drenta den e pacus aki situa riba L.S Smith Boulevard. Polis a tuma nota di e sucedido y pone riba lista largo di recherche pa investiga. E siman aki so, varios edificio den becindario a haya bishita indesea, pues no ta Caya Grandi so anti socialnan ta haci nan compras.
