Minister di Husticia tin prioridad pa bin cu cambio di ley den LTUV

328
Cumpra Lotto Online
E Hefe DMAX
RBC Mortage
CMB – Mobile Banking Nobo

Durante e conferencia di prensa pa anuncia cambio den maneho na DIMAS, Minister di Husticia mr. Andin Bikker a splica kico tur a haya ora cu el tuma na su encargo e ministerio di husticia. Segun e mandatario manera ta conoci durante e proceso di formacion a recomenda pa e gobierno nobo integra e cartera di husticia hunto cu esun di integracion.

dia di tata garage cordia
DHL – Bogota

Decadanan pasa tanto integracion como husticia tabata hunto, pero despues pa hopi aña e carteranan aki tabata separa. Segun Minister di Husticia mr. Andin Bikker, debi cu e dos carteranan aki tabata separa, a bin realisa cu durante tempo tin biaha decisionnan di e ministernan tabata bay for di otro pa e motibo aki. E situacion den e sistema tabata tarda e proceso pa yega na un maneho integral riba tanto integracion como di inmigracion. Debi na e situacion aki, a pone cu e proceso di formacion y informacion a bin cu e recomendacion pa combina e carteranan aki hunto. Despues di a tuma e cartera aki hunto den husticia, a haci un analisis, y a bin topa cu diferente proceso. Si coy e ley di 2006 pa 2007 practicamente nada no a wordo cambia. Tambe a bin ta anticipa riba cambionan den ley na Parlamento unda na 2012 a presenta un ley den concepto y na 2014 a haci un nota di cambio. Awor tin un otro concepto di ley bayendo direccion di Parlamento cu Minister di Husticia a pone como prioridad. Ta trata aki, e cambio di ley di LTUV, cu ta e ley di admision.

E cambio aki segun minister Bikker lo tuma luga mas pronto cu ta posibel pasobra tur e añanan hopi biaha ta via maneho ta anticipa riba
cambionan. Segun Minister Bikker, ta Parlamento mester aproba e cambionan aki den un proceso di legislacion formal. E di dos cu a haya ta, cu e mandatario di gabinete anterior encarga cu integracion tabata atende cu hopi cosnan su mes. E minister anterior tabata bypass e departamentonan caminda ken cu presenta cerca dje cu un pida papel y bise cu e tin un peticion, e minister ey tabata firma 'akkoord conform verzoek'. E situacion
aki a conduci cu no tin un trato igual pa loke ta trata e esun cu si ta bay via proceso di aplica via DIMAS. Minister Bikker a ripara tambe, cu e minister anterior no sa mes kico el a firma. Hopi biaha e minister anterior, ta otorga cosnan cu den e ley no por reconoce den dje. Pesey a tuma e decision pa stop cu e proceso cu un minister por bypass basicamente e departamentonan y cuminsa analisa e proceso atrobe. Los di e cambio di maneho cu ta anuncia, minister Bikker a ripara cu tin diferente permiso segun e maneho, si aplica pe e chens ey cu e permiso ey lo bay wordo otorga. Pesey no ta logico cu e tipo di permisonan aki bo ta wordo rekeri pa

bay warda den exterior te ora otorga e permiso aki. E personanan den e sistema nobo ta inversionistanan, pensionadonan, personanan cu nacionalidad Hulandes y cu ta biba cualkier caminda den reino cu ta bin inmigra na Aruba. Tambe personanan cu ta cuidando enfermo cu ta sufri di enfermedad y cu un carta di dokter por presenta y haci un peticion pa haya un permiso. E permisonan aki normalmente lo otorga na nan. Mester bisa si segun minister di husticia, cu no automaticamente tur permiso cu ta den tramite lo ser otorga  automaticamente. No ta bay inventa e wiel di nobo, pero e condicion semper ta, cu cada caso individual riba su mes lo evalua. Si tin motibo pa no otorga un permiso esey lo ser considera siguramente. E maneho aki lo alcapara esunnan cu tin derecho pa haya un permiso segun Minister di Husticia mr. Andin Bikker.

Comments

comments

Dragon Fly
Score cu Gillete