Relaciona cu un peticion oficial di Cruz Cora Aruba na Brouwerij Nacional Balashi, mesora MetaCorp a dicidi di haci un donacion di no menos cu 1 container di awa pa e damnificadonan na Sint Maarten.
Dialuna merdia, anticipando un cargamento di ayudo saliendo pa St. Maarten, a logra yena henter e container cu awa pa asina yuda esunnan trahando pero tambe e comunidad cu ta pasando dor di varios reto, despues di pasada di horcan Irma. Ora papia di un container, ta referi na mas o menos 2 mil caha di awa.
CEO di MetaCorp, Eddie de Veer, a desea hopi forsa na tur esunnan cu ta haciendo un esfuerso pa yuda nos rumannan di St. Maarten y a subraya e compromiso di e compania pa semper yuda den situacionnan asina.
