Ya caba riba e ruta di carnaval tin ponemento di stoel, etc. Polis ya caba tin un plan pa esaki. Vocero policial, Lito Lacle, a splica cu tin un algemene politieverordening caminda cu articulo 15, caminda cu ta duna un precario vergunning p’e, caminda cu ta prohibi di pone obhetonan riba caya, caminda publico, sin tin un permiso di e minister encarga. Consecuentemente si bay over na pone stoel, mesa, loke sea riba caya, sin un permiso, posibilidad ta grandi cu ora e accionnan cuminsa, polis ta bay over na kita nan.
Green Light
Tin biaha ora cu haya e OK, por ta 24 ora prome ta publik’e, y bay over pa e personanan aki pone e stoel of mesa of obhetonan riba caya. Pero atrobe, mirando ley, bo mester tin tur momento un precario vergunning pa pone un stoel riba caya. Pesey a bin cu e verkaveling, sacando lot pa esaki. Esey tambe ta mara na un precario vergunning. No ta sina cu ta pone un trailer riba caminda.
Limpiesa
E intencion ta cu pa districto di Oranjestad, cu wak esaki riba caya, tin e posibilidad grandi cu ta bay over na kita nan. E intencion ta pa tene nos cayanan poco limpi. Esaki ta e ruta tambe cu e turistanan ta pasa bay afo. Ta e prome bista cu nan ta haya. Imagina un ruta pata pata di stoel, tira, mara cu cabuya. Riba dje, sin vergunning.
Mester tene pasenshi
Mester tene tiki pasenshi. Ora cu e wordo anuncia, bo por pone bo stoel. Awor aki, bo no tin un vergunning, dus bo no por pone un obheto riba caya. E ta conta pa tur districto cu tin un parada cu ta bay pasa. Intencion ta cu bo tin cu bay DIP, unda cu bo ta pidi un precario vergunning y si bo hay’e, bo por pone e obheto riba caya.
Flexibel
Segun Lacle, nan ta basta flexibel. Ora yega e momento, un of dos dia prome, por anunci’e cu lo tolera pa bay riba caya. Prome cu esey ta bay over na kita nan.
Mensahe
Parada di di mucha na Playa, ta dia 28 di Januari. Tin cu purba di tene e ruta limpi te ora cu haya ok pa pone cosnan riba caya. Di un otro banda ta over na kita esakinan.
