Despues di Aruba su parada grandi di carnaval, ora cu tur hende ta bay cas y sosega curpa, tin hende cu si ta sigui traha pa por tene e ruta limpi despues di parada. Esaki ta trabounan cu ta cuminsa anochi laat y caba marduga of casi mainta. Den henter e proceso tin un total di ocho truck driver. Tabata tin 13 hende riba riba caya haciendo limpi. Tres personal di City Inspector y tres agente policial. E momentonan ey nan a calcula cu e trabou lo caba pa mainta. Pasando riba e rutanan a mira claramente cu tin area mas sushi cu otro. E caha cu pa anjanan largo AVP a usa, atrobe a duna bon resultado pasobra pueblo a usanan hopi bon tirando nan sushinan aden.
