Desde oranan di mainta di diahuebs Dokternan tabata preparando pa manda e mucha cu a accidenta den buggy bek pa Puerto Rico. “Gobierno di Puerto Rico mes a cubri parti di e gastonan di Air Ambulance y e resto di e suma a wordo paga pa un turista cu tambe tabata riba e crucero”, asina Minister di Salubridad Publico, Turismo y Deporte, Dangui Oduber, a anuncia un rato pasa riba red social. E victima y su famia awor ta wardando e Air Ambulance cu ta yegando di Miami pa transporta e pashent pa Puerto Rico. “Nos oracion ta cu e mucha, pa tur cos sigi bon cune”, asina Minister Dangui Oduber a termina bisando.