Fuera cu nos ta den mundial, nos no mester laga afo cu na Aruba tin amantenan di un bon pelea. Diasabra awo, lo bay tin un tremendo evento di WKA, unda cu atletanan lo aby competi pa e title fight number 5, den Centro Deportivo Betico Croes.
Segun organisador Ricardo Illidge, Por spera diferente atleta cu lo competi contra otro, entre otro Corsou contra Aruba, St. Maarten contr Aruba, US contra Aruba. Nan a laga sa cu nan lo detene nan titulo pa wak si e ta keda na Aruba. Illidge ta pensa cu si e lo keda aki. Si otro hende cu lo competi contra otro. Tin varios scol cu lo competi entre otro di Milliard. Tambe lo bay tin un pelea di dama, kendenan ta hopi bon entrena. Tin hopi otro atleta cu ta cla pa nan bay riba nan meta pa haci loke nan tin cu haci.
Illidge a cuminsa na 2005 dunando e evento varios nomber. Esaki ta di cinco biaha si cu lo tin all champions title fight.
E pelea mes lo tuma luga na Centro Deportivo Betico Croes. E pelea a programa pa cuminsa entre 8’or y 8’or y mey. Portanan ta habri pa 6’or di atardi.
E evento aki ta patrocina pa Rockstar Energy Drink, Bud Light principalmente mas varios otro sponsor mas.
Rockstar
Tracy Nicolaas ta brand representative na Frasa International y a conta di ta contento di ta forma parti di e evento aki y un biaha mas por yuda engrandece deporte na Aruba. Como Rockstar Energy Drink nan lo tey sigur diasabra awo na e peleanan aki cu ta algo increibel cu tur hende mester experencia. Lo bay tin e ringgirls y Rockstar Girls canando rond. Ta algo cu no lo kier faya. Di parti di Rockstar Energy Drink ta invita tur hende pa bin forma parti di e pelea diasabra awo na Centro di Deportivo Betico Croes. Por ultimo Nicolas a splica pa bo no bin laat, haya un bin luga, pa asina bo forma parti di e experiencia aki.
Rockstar Energy Drink ta un bebida basta recien na Aruba. Nan tin mas of menos 1 aña y mey y ta haya importante pa contribui na diferente deporte. A yega di haci cosnan di BMS, ta purba di ta envolvi den diferente deporte y pa sigui engrandece pasobra e ta tuma hopi di e organisadornan y sin respaldo di nan como sponsor, e no lo ta posibel.
Pelea
Shandrick Koolman ta un di e atletanan cu lo ta bringando diasabra awo, contra Joshua Quintero di Merca. E ta spera cu e Mericano ta cla pa loke Koolman tin p’e prepara.
Koolman tin un aña ta train pa e pelea aki. Tur locual cu e tin, e tin’e bon warda. Koolman ta sumamente bon prepara p’e pa diasabra awo. E ta bay wak kico Quintero tin di ofrece y ta spera cu e no core y have fun den ring. Koolman ta invita tur hende pa bin diasabra awo y bin disfruta di e peleanan. Conociendo ken Koolman ta, e lo bay ta algo hopi bon.
Milliard
Desde cu el a habri su scol, e tin 8 bringado, y 8 victoria. A bin, a sloop tur hende cu tin. Diasabra awo no lo bay tin diferencia. E atletanan lo bay representa Milliard Academy grandemente. Nan lo bay demostra un biaha mas di ta e miho scol na Aruba.
Nan ta bin cu un strategia semper pa e pelea. Pero hopi trabao mental nan ta aplica. Hopi hende ta kere cu arte marcial aki ta djis tira mokete y skop. Pero 90% ta mindset. Si tin e mindset eynan y dispuesto pa gana, bo ta bay dilanti. Hopi atleta hoben, tin cu duna nan e boost y encurashe. Esey ta hopi hende no ta compronde. Bo mester tin un mente di ganador pa bo ta un ganado. Bo mester tin un mente di un campeon pa bo ta un campeon. Esey ta loke e ta haci cu su atletanan hoben.
Diasabra awo no lo ta un diferente. Bin presenci’e, no wak’e na cas. E evento aki lo bay ta sumamente bon hinca den otro. Ricardo Illidge tin un fight card di ta promove nos talentonan local, cual ta hopi importante. Hopi biaha ta promove atletanan internacional, lubidando nos atletanan local. Asina ta, amantenan di arte marcial, ta wordo invita pa bin presencia e evento aki di WKA den Centro Deportivo Betico Croes, diasabra awo.
