Pedro Cruz tin 18 aña ta bibando na Meiveld 25. Tempo cu el a drenta e cas, esaki tabata inhabitabel. El a traha un baño paden, hasta camber el a traha pa su yiu di 12 aña biba den e cas. Pa 15 aña el a paga 400 florin. Awo nan ta pidiendo e e cas, cual e no a nenga. A dun’e 3 luna pa sali for di e cas. El a bay huurcommissie pa reclama su derecho. Na momento cu el a bay eynan, el a topa cu un persona di fam P. kende ta doño di tur e apartamentonan, y pa colmo ta hues, polis, recherche, tur cos. Y pa colmo, e tin cu sigui paga e mesun placa cu e ta pagando. Despues cu el a bay reclama cu nan no a ni bin wak e luga y tur cos cu el a traha den e luga, el a bin cu un comision cu e mes a institui y a bin midi e luga.
Sr. Cruz ta sigui splica cu dialuna el a bay huurcommissie riba un cita. For di 8’or y mey pa 10’or y mey, el a keda warda pa e haya tende cu e tin cu paga 517 florin, 117 florin mas di loke e tabata paga. 18 aña e tin ta paga, pero awo nan kier forse sali mas lihe posibel. Ela comenta cu e persona aki, esta P. kier molesti’e, mirando cu e kier a cumpra e cas, pero su cuñanan no kier a bende. P. ta casa cu un di e doñonan di e cas.
Cruz a bay cana su caminda, pero e persona aki pa su malasuerte e persona aki ta dicidi riba tur cos den e departamento ya menciona.
Na momento cu Cruz a tende su decision, ningun hende no por papia, pasobra ta P. ta manda aden. Cruz ta cataloga e persona aki como un persona cu tin rabia riba stranhero. Pero si tin rabia riba stranhero, e ta huurnan si cu nan. Anto si un persona bay reclama na HuurCommissie, nan no por haci nada, pasobra ta e mesun doño ta den e comision aki.
Awo sr. Cruz no tin caminda pa bay. El a bay otro media, pero el a haya su mes cu contratiempo, caminda cu no mag di papia di ningun hende. Sr. Cruz no sa kico ta rabia di e persona aki, esta P. Si e ta di cumpra e cas cu Cruz ta biba aden, no ta su problema, e tin cu deal cu e doñonan.
E cas cu Cruz ta aden, un imigrante kende tin 38 aña na Aruba, mester a reconstrui esaki for di un principio. E mes ta un persona enfermo kende ta haci dialyse, un persona cu sucu y presion for di 1999, y cu ta sobrevivi dia pa dia pa e no ta un carga pa otro y e no ta compronde, dicon nan ta haciendo su biba asina imposibel. E mes tin 25 mil florin gasta riba e cas, cual hecho el a haci, sin ningun hende a pidie pa e tin un luga di biba. E no ta compronde dicon nan no ta reconoce cu el a haci hopi pa e luga.
Si nan kier pa e sali, e ta pidi por lo menos 5 of 6 luna, pa e por hunta su placa y busca un otro luga pa bay.
