Riba e caminda di tera pega cu Bushiri Karting a sosode un accidente cu hende herida. Un chauffeur di un Getz shinishi a perde control y dal den cura di hero di Tara Eco Supplies y bolter.
Polis y ekipo di reskate di Bombero y Ambulance a presenta na e sitio pa asina yuda e chauffeuri. E mesun chauffeur aki a wordo señala poco mas trempan riba caminda di Santa Helenastraat y a hera causa desgracia poco prome cu e rotonde riba e caya aki. Algun hende rond na e accidente a yuda mantene su cabez den un posicion pa asina warda riba ayudo di e paramediconan.
Ta sospecha cu e chaufeur aki tabata bou di influencia di un of otro substancia. E la ser transporta pa hospital pa asina haya tratamento medico mas avansa. Polis a tuma nota tambe di e chauffeur aki su comportacion poco mas trempan riba Santa Helenastraat. Hasta un bon lastra di brake tabata tin net prome cu e plateau dilanti Wan Li Supermarket.
