Dialuna algo pasa di 1:30 di madruga chauffeur burachi lo a bay pa haal in of tabata pusta cu un otro auto, a hera dal den trafico contrario. E chaffeur burachi den ultimo seconde a reaciona y baha caminda, e la perde control dal e auto den pal’i luz poco pabou di Hua Run na Ponton.
E chauffeur den su buracheria a baha wak e daño y subi bek e auto, e la bay pa bandona e sitio. E auto casi no por a core mas, tog e homber a logra pone e auto core algun meter. E homber a subi acera y keda pega ey un rato.
Algun bon samaritano a purba habri porta di e auto pa e chauffeur stop di core pero sin exito. E homber a logra huy cu e auto algun 500 meter. Riba McRim di e auto, raspando tur e caminda, bahando trafico contrario e auto porfin a stop di core pabou di Wema Ponton.
E homber burachi a baha for di auto y purba wak kico ta robes cu su auto, e no tabata compronde kico a pasa. Polis un rato despues a yega detene e homber tras di stuur.
A cera caminda completo pa Elmar haci trabounan di cambia e pal’i luz. Un area di Ponton di casnan riba Caya Ernesto Petronea a keda sin coriente. E homber no tabata mustra herida. Specialista di Trafico a keda yama pa atende cu e caso.
