Fraccion di AVP a manda un carta diabierna cu carácter di urgencia pa Presidente di Parlamento den cual nan ta urgi pa scucha gremionan prome cu trata e ley di “crisisheffing” den Parlamento. Ta sinti cu kier pasa e ley ai den pura e siman aki ainda, sin cu a scucha di e gremionan ki consecuencia e ley aki tin pa comunidad. Specialmente pa esunnan mas margina y pensionadonan, e lo tin un efecto den nan cartera.
Carta di AVP na Parlamento pa scucha gremionan prome cu atende ley di “Crisisheffing”
AVP ta para riba cu den nan gobernacion, constantemente nan tabata na mesa cu gremionan, siendo partnernan importante den tumamento di decisionnan clave den comunidad. Ta mira awor un deterioro den e relacion pero tambe den interes di e gremionan, tanto comercial y sindical, cu a opta pa tuma un posición “neutral” den e discusionnan político siendo cu ora e ahustacionnan aki drenta na vigor, ta nan miembronan lo sufri e consecuencianan.
Parlamento ta purbando pa pasa e ley aki entre dialuna y diamars awor, prome cu un delegación biaha pa Parlatino y Hulanda.
