Tripadvisor, e website di ratings pa loke ta e miho destinacionnan rond mundo a saca su top 10 miho destinacionnan pa loke ta e region di Caribe. Aruba, a keda selecta como e di 4 miho destinacion, hunto cu e grandinan manera Jamaica, Puerto Rico y Republica Dominicana (Punta Cana).
Otro destinacionnan cu ta compaña Aruba, riba un posicion mas abao, ta Barbados, Cayman Islands, St. Lucia, St. Maartens, Turks and Caicos y Guadeloupe.
Esaki sigur ta un bon noticia pa nos turismo, mirando cu cada biaha, Aruba ta keda scogi pa turistanan pa bin pasa nan “dream vacation”, mereciendo asina di ta entre e 5 mihonan den Caribe.
