Tin hopi cambio ta tumando luga na hospital mes. Awor aki tin mudamento, etc. y ABV ta siguiendo esaki di cerca. Gina Maduro, presidente di e sindicato, a splica cu como sindicato, nan tin lunanan largo unda cu a haci pregunta, manera nan kier mira e manpowerplanning, e overname di e oud pa bay nieuw bouw, demas departamentonan, si a bin mas cama, departamentonan a bira mas grandi, pero kier mira tambe con e ampliacion ta den e empleado. Te awe no a mira e manpowerplanning. Otro siman diamars tin un regulieroverleg cu raad van bestuur, mirando cu nan ta completo awo. Ta spera di haya contesta riba tur e preguntanan y vooral e siguridad cu nan kier mira den emergencia. Bo kier garantisa siguridad pa pashentnan den e departamento di emergencia, bo mes, como empleado mester sintibo sigur prome. Pesey otro siman ora cu sinta reuni, lo tin mas informacion riba esey.
Siguridad
Maduro a splica cu e siguridad por ehempel den emergencia nobo por mira un bali grandi habri y no ta cera. E balie, bo no por compara un balie di emergencia cu un balie di hotel. E ta mas amigabel, pero na e mesun momento na SEH, pashentnan ta bin hopi malo, agresividad ta halto, tanto verbal como fisicamente y no ta cla pa un open balie. Esey ta e discusion awor aki.
Tras di un glas awo
E nobo ta habri, mientras cu e bieu ta cera. Y esey ta loke cu nan kier mira, ki dia esaki ta wordo cera.
Como sindicato ABV hopi tempo a boga. Hospital tin siguridad cu no ta den servicio directo di hospital. Ta pa hopi aña ABV a bin cun’e pa loke ta post di emergencia, bin cu bo mesun personal, duna nan e entrenamento adecua. E ta un sitio hopi importante. Eynan tin e luga cu ta mas tin agresion y 24/7 pashentnan ta drenta. Mester tin un cuerpo di siguridad bon entrena y pa hopi aña ta boga pa esey, pa nan por tin nan propio personal. Tin un compania priva cu ta purba di tene e mesun personal. Pero cada biaha tin un cara nobo y tin cu cada biaha werk nan in y esey no por, segun Maduro.
Hende pa reemplasa
Den pasado a yega di manda hende cas of yega na areglo di retiro. Gina Maduro, presidente di ABV a splica cu loke cu nan a boga ta pa sigui cu e cursonan di specialisacion. Un periodo largo e tabata para. Despues el a sigui. Un grupo a caba y e mes tabata den e grupo ey cu a caba na 2008. Despues tabata tin periodo largo cu e curso a keda para. Esey ta problema, pasobra si falta personal, bo tin bo hendenan, bo tin Arubianonan local cu kier specialisa, pero no ta haya e oportunidad. Awor aki tin cu bisa cu tin un grupo grandi di personal di tanto Departamento di Emergencia y cuido intensivo cu ta haciendo e opleiding di specialisacion cu na Maart otro aña nan ta keda cla. E opleiding mester sigui pasobra hospital tin un behoorlijke vergrijzing. Tin hopi hende cu edad halto y cu ta bahando cu pensioen. Awor hospital a aplica e jurisprudentie cu 62 aña, den servicio di 1 Juli 1992, mester bay cas. Un masa di trahado ta bayendo cas cu por sigui traha te cu 65 y cu ta dispuesto pa traha, pero no ta haya e chens cu ta crea un buraco masha grandi y bo ta perdiendo hopi experticio. Esey ta preocupacion di ABV.
