E oficina di RWZI (Riool Water Zuiverings Instalatie) di DOW situa na Bubali, conoci como Bubali Plas a haya bishita indesea di malhechornan. Tabata algo pasa di 9or di anochi cu un patruya di Security a pasa haci su control regular na e sitio. A nota cu e porta di e oficina principal tabata kibra. 
Mesora a avisa e gerente di e luga cu antisocialnan lo a horta y pa e ta na altura. Un rato despues personal di DOW a yega na e sitio menciona y a cuminsa wak kico tur a wordo haci. 
E antisocialnan a kibra e porta di e “main office” y a reboltea e luga. No ta conoci ki tur nan a logra bay cune. E daño si tabata basta.
