Het Arubaanse Padvinsters Gilde a bini hunto dia 22 di februari pa asina celebra World Thinking Day (Denk Dag, Dia di Pensamento). Pero no tabata solamente dia di pensamento, pero tambe a celebra dia cu e fundadonan Lord y Lady Baden-Powell a funda scouting.
Zuzette Croes, lider di Het Arubaanse Padvinsters Gilde, a splica cu nan a celebra Dia di Pensamento, pero tambe a celebra e fecha natal di e fundadonan Lord y Lady Baden-Powell, kendenan a cuminsa cu e mundo di scouting tanto pa mucha homber y muhe na London, Inglatera.
Hopi mucha ta participa den scouting. Croes a splica cu tin grupo ta un combinacion di mucha muhe y homber, tin Scouting Aruba, Scouting AJG y hopi mas. Arubaanse Padvinsters Gilde ta consisti di mas o menos 200 mucha.
Nan a probecha cu carnaval a termina trempan e aña aki, nan a dicidi di celebra Dia di Pensamento riba e dia di Scouting. Normalmente nan ta celebra e dia aki algun siman despues, pero e aña aki miembro di directiva a bin cu e idea pa tene e celebracion riba e fecha oficial di Denk Dag.
Pa mas lesa TREMPAN.COM.
