For di hopi aña caba, 24ora.com ta lider den cantidad di “likes” y “followers” riba Facebook. E siman aki nos a alcansa un otro logro, esta nos di 75.000 Like. E di 75 mil usuario riba Facebook a resulta Nicholle Vrolijk. Awe nos a bay sorprende na su trabou, esta na Voogdijraad y a hiba un recuerdo pe di 24ora.com. Nos Director, esta Mark Benson Denz, a entrega e macuto na e feliz ganado.
Pa por a haya contacto y yega na e usuario aki, a yama su tata. E conocido ex Minister Willem Vrolijk, cu a coopera cu nos pa e sorpresa agradabel aki. Nos ta gradici tur usuario pa nan sosten na nos website cu tur luna ta conta cu riba 200 mil usuario unico. Nos ta e pagina di website mas mira na Aruba, cu e pagina di Facebook mas mira y cu mas “engagement”.
Pa por a logra esaki, nos ta percura pa hopi contenido, henter dia, no solamente noticia pero tambe premio na nos siguidonan. Nos comunicacion cu nos mas di 75K likesnan ta estrecho, mescos tambe cu nos mas di 79K siguidonan.
