Diasabra dia 4 di mei 2024, organisacion Women empOwering Women (WOW) Aruba lo presenta nan di 3 conferencia inspirativo “The Power Within”. Den e conferencia lo enfoca riba canalisa e poder interno cu nos tur tin. E participantenan lo sali inspira pa tuma accion y sigui traha riba nan desaroyo personal.
Women empOwering Women Aruba ta un organisacion local, estableci na 2017 cu e proposito di trece hende muhe hunto cu e lema di “network, learn and support each other”. Actualmente e organisacion ta conta cu 45 miembro.
Na 2019 WOW a organisa su prome conferencia titula “Dare to Be”, y na 2022 a organisa e conferencia “Becoming a Braver You”.
Pa e conferencia di the “The Power Within”, e miembronan di WOW, Kareline van der Linden y Darice Solognier cu ta Directoranan di Business IQ, lo ta e anfitrionnan. Lo conta tambe cu oradornan internacional , Fallon Carter y Miles Mercera.
E dama nan di Business IQ lo habri e conferencia compartiendo mas informacion cu data y ehempel nan clave pa demonstra cu e poder interno den
Miles ta CEO di Bonaire Tourism Corporation y lo comparti lesnan cu el a experencia. E lo profundisa su mes riba e topico di haci uzo di su resiliencia, desaroya un sentido profundo di motivacion y lo ofrece strategianan practico pa crecemento personal y satisfaccion.
Fallon tawata den revistanan manera Harper’s Bazaar, Vogue, y Martha Steward Magazine. E tin mas cu un decada di experiencia den haci uzo di su poder interno. Fallon ta un organisado di evento internacional kende lo inspira tur hende pa libera nan potencial y acepta nan autenticidad.
Cu e conferencia aki, damanan di WOW Aruba kier ofrece e comunidad di Aruba, hende homber como hende muhe e oportunidad di atende un evento cu lo tin un impacto positivo den nan bida y den nan forma di desaroya nan mes.
Conferencia “The Power Within” lo tuma luga na Crystal Theater for di 8:30 di mainta te cu 12:30 di merdia. Costo di entrada ta Afl. 125.00 y por wordo cumpra online riba pay.aw .
Pa mas informacion por comunica directamente cu WOW Aruba via facebook: https://www.facebook.com/wowaruba/.
Organisacion WOW Aruba kier extende palabra di gradicimento na tur sponsor cu ta haciendo e evento aki posibel incluso CMB, SETAR y Aruba Airport Authority. Alabes un danki special na nos colaboracion cu Aruba Tourism Authority, Renaissance, The Ritz-Carlton Aruba y mas.
