E aña aki ta uno grandi pa Wit Gele Kruis, cu celebracion di un lustro grandi pa e organisacion aki. Gino Goeloe, Director di Wit Gele Kruis, c’un sonrisa grandi a informa cu e aña aki WGK ta celebra 65 aña di existencia, yudando e comunidad.
Nan lo celebra esaki cu e comunidad cu semper a sa di apoya nan, di tur manera. P’esey, WGK ta hopi contento cu tur loke nan a logra den tur e añanan. Y awo, un logra mas riba e parti di digitalisacion cu ta algo bunita pa WGK y Aruba den su totalidad.
Actualmente WGK ta conta cu dies localidad y tin shen empleado den servicio. Den e parti di cuido di hende grandi, nan ta yuda 120 hende pa dia. Y tambe den cuido no profesional, nan ta brinda servicio na mas di 200 hende pa dia.
Tambe nan tin e consultatiebureau, cu den un aña ta wak 7 mil mucha. Dus, tur baby ta bin cerca WGK.
WGK t’ey cu bo, for di ora bo wowo habri, te ora cu bo wowo cera. Un slogan cu Gino Goeloe a bin cu ne 22 aña pasa, tempo cu el a bira director di Wit Gele Kruis Aruba.
