Recientemente Wings of Hope di Aruba Airport Authority N.V. (AAA) a organisa un “Health and Wellbeing Drive-Thru Check” riba dia 12 y 13 di december 2023 pa henter e comunidad di aeropuerto. Cada aña, AAA Wings of Hope ta enfoca riba ehecuta cierto proyectonan socialmente responsabel cu tin un impacto positivo pa nos comunidad local.
Tur proyecto ta basa riba un of mas di e United Nation’s Sustainable Development Goals (SDGs) y e aña aki e proyecto a enfoca riba e SDG manera Elimina Hamber (SDG 2), Educacion di Calidad (SDG 4), Reduci Desigualdad (SDG 10), Salud y Bienestar (SDG 3), Accion Climatico (SDG 13), Bida bou awa (SDG 14), Bida riba Tera (SDG 15) y Sociedad (SDG17).
E “Airport Community Health and Wellbeing Drive-Thru Check” tabata un evento di dos dia cu a tuma luga na aeropuerto mes, caminda tur stakeholder, third parties y proveedo tabata invita pa pasa den e sala VIP di Aeropuerto di Aruba pa completa nan chekeo medico. Mas di 350 miembro di e comunidad di aeropuerto a atende e evento aki.
E chekeo estilo drive-thru a inclui controla presion di sanger, peso, glucose den sanger y calculacion di body mass index (BMI).Despues di a termina cu e chekeo medico, tur participante a ricibi un snack saludabel y un co’i bebe.
Ademas e comunidad di aeropuerto tabatin e oportunidad di participa den un di e cuater lesnan di combinacion di di yoga y pilates di un ora duna pa instructor di yoga Dagmara Ava, p’asina curasha relahacion y concentracion.
Delinea cu e obhetivonan di salud y bienester di AAA, e evento di Health and Wellbeing Drive-Thru Check organisa pa Wings of Hope di AAA, tabatin como meta pa curasha nos comunidad di aeropuerto pa tene cuenta cu nan bienestar fisico tumando medida preventivo y den nan estilo di bida pa garantisa un bida saludabel y evita malesa y condicionnan como tambe pa biba di unmanera cu ta pone nan salud mental y fisico riba un balans.
Pa aña 2024, Wings of Hope ta spera di por sigui contribui cu e proyectonan cu ta crea un miho futuro pa e comunidad local.
