Participacion civico di cada ciudadano pa contribui na crea un comunidad y un miho pais, ta inspira p’e concepto di “E BON COMUN”. Den liña di continuacion di e exitoso simposio “The Restoration of THE COMMON GOOD”, unda a lansa e concepto idealistico “E BON COMUN”, Plataforma Hobennan Porfesional y Partido a anuncia y invita nos comunidad pa participa activamente na ‘Think common good beach clean up event’.
Hoben Profesional, Wendrick Cicilia acompana pa nos campion mundial windsurfer Sarah-Quita Offringa, a hasi un invitacion na nos comunidad pa participa na e ‘think common good beach clean up’, diadomingo 27 di Novemeber pa 9:00 am cuminsando na Grapefield/Boca Grandi.
Think Common Good!
Wendrick Cicilia a expresa cu e E Bon Comun ta reta cada ciudadano di tur generacion pa no solamente enfoca riba nan propio interes, pero participa activamente na crea y realisa un bienestar general. Ta momento pa nos pensa riba e Bon Comun di nos Pais. Nos por logra cos bunita, si nos uni nos forsanan pa un meta noble. Un esfuerso colectivo pa nos por mantene nos recursonan natural bunita y limpi, ta beneficia nos tur cu ta orguyoso di nos pais Aruba.
E Bon Comun ta fundamental pa funcionamento di nos sociedad. Nos mester renoba nos compromiso pa mehora nos Pais. ONE ACT AT A TIME, nos ta transforma nos Pais. Ta momento pa nos cuminsa practica e pensamento di E BON COMUN!.
Empatia, solidaridad, participacion civico y amor pa pais y pueblo t’e idealnan cu ta inspira p’e E BON COMUN, e ta un grato placer pa trece nos comunidad hunto pa un causa noble pa nos pais y asina inspira nos comunidad cu E BON COMUN ta e guia pa e desaroyo social, economico y politico cu nos ta desea.
Aruba ta nos cas y e ta nos responsabilidad pa nos mantene limpi, pa nos ciudadanonan y nos bishitantenan por disfruta di esaki. Compaña p’e miembro di tur generacion y alabes den presencia di Sarah-Quita Offringa, Wendrick Cicilia representando Plataforma Hobennan Profesional a haci un invitacion cordial pa cada miembro di tur generacion pa uni cu y duna un contribucion positivo na mehoracion y bienestar general di nos pais Aruba
No mester laga e BON COMUN na un pensamento, pero tambe nos mester practica e BON COMUN. Un biaha mas ta trece nos comunidad hunto pa un causa noble cu ta sirbi bienestar general di pais Aruba.
Un invitacion cordial pa registra y participa n’e prome edicion di “Think common good beach clean up event”, dia 27 di november, diadomingo 9:00 am, cuminsando na Grapefield/Boca Grandi!
