Weg’i bala a caba pero bebemento a sigui riba parkeerplaats

1364

Polis a presenta na Aruba Juniors ayera nochi pa mas of menos 11:00pm pa un pelea grandi. Pero ora polis a yega na e sitio no a topa ningun pelea. Si a topa cu hopi hende riba e parkeerplaats bebiendo pafo di nan auto. A topa cu bahulnan habri cu jug yen di bebida alcoholico, musica duro y harimento sin fin, strobando e paz di habitantenan den e bario.

Autoridad a haci uzo di e ordenansa di calamidad den cual ta prohibi aglomeracion pa core cu tur hende for di eybanda y a instrui e publico pa nan bay nan cas.

Varios unidad di polis a presenta pa pelea na Aruba Juniors. Un aglomeracion basta grandi. Esnan cu a bringa a bandona sitio

Posted by 24ora on Sunday, November 22, 2020

Tur hende a coopera cu polis y a bay for di e sitio. No a logra topa ningun pelea, ni tampoco testigonan cu a bisa di lo a mira bringamento eynan.