Nos studiante di Universidad di Aruba tin como projecto pa organisa un evento pa recauda fondo pa un organisacion “non-profit”. Servicio na comunidad ta un parti integral di nos programa.
Nathania Taylor ta un miembro, atleta y coach di Barracudas Aruba y a scohe pa yuda su club recauda fondo pa cumpra un “underwater sound system” nobo. Nathania ta splica: Mi kier duna bek na e deporte / club cu a yudami desaroya y bira e persona cu mi ta awe. Un ser femenina fuerte, disciplina y determina. Synchro ta yuda nos bira personanan cu lo por ta un bon ehempel den comunidad y mi ta orguyoso y agradecido pa por forma parti di e club Barracudas.”
Barracudas Aruba desde 1974 a introduci e comunidad di Aruba na e bunita deporte di landamento artistico cu e meta principal pa brinda atletanan oportunidadnan pa desaroya y prepara nan mes den e deporte pa competencianan international. Den 2017 a introduci e opcion pa hasi landamento artistico pa recreacion, dunando shownan local un biaha pa aña. Tambe a habri e deporte pa mucha homber por participa mirando e desaroyo den e deporte internationalmente. E club e aña aki caba a participa y resalta na varios competencianan internacional. “E sound system ta algo cu nos tin riba wish list y nos ta gradici Nathania pa a pensa riba nos.” Natascha de Veer tesorero di Barracudas ta informa.
Nos kier a menciona cu na e Fun Walk/Run lo bai tin awa, gatorade y fruta disponibel pa tur participante. E ticket ta costa solamente 10 Florin y desde 4:30pm por cuminsa registra pa e fun walk/run. Cu cada compra di un ticket lo tin e oportunidad pa participa den un rifa cu diferente premionan atractivo. E Fun Walk/Run lo cuminsa pa 5:00pm na Fisherman’s Huts. Ta gradici tur sponsor pa nan aporte: Super Food, Adidas, Fruteria Virgilio, EPB Hato Restaurant, Don Taylor & Co y La Cabana.
Nos kier a invita henter pueblo di Aruba pa bin join nos na un bunita Fun Run/Walk cu FHTMS ta organisa, forma un grupo y ban yuda recauda fondo pa un bon causa.
